Ballina Artist Nan’ pse m’linde ….

Nan’ pse m’linde ….

1145
0
Nan' pse m'linde
Nan' pse m'linde

Nan’ ,kur m’linde mu’ te tan e nemen frytin tand, se isha çik’ se malësia s’don shum’ çika ,po ti prap m’pranove e m’ajte n’kaht e tu….

Nan’ u rrita n’lagjen e djemve ,ku ishte e gabume me dal’ me lujt se çikat s’duhej me dal, nan’ u bana me shku n’shkollë e prap s’duhej me ba aktivitete se ishte turp për vajzën me dal me I këndu atdheut apo me e kërcy vallen e ven’it , nan’ u rrita ma shum’ ,erdha t’u kuptu se duhej me luftu për t’drejtën tande, po prap ishte gabim ,ishte turp për me luftu se tetan thoshin:-Shih çika e filanit  ç’ka bani!

Nan’ shkova larg shtëpisë për me studju ,edhe aty prap ishte turp me pi kafe me shokun se detyrimisht njerëzit mendonin se e ke ‘’dashnor’’(nuk harroj shprehjen e famshme që thoje ti:Ma keq e bamja se e ngjamja ).

Nan’ a thua asht gabim se kam lind çikë,a thu ç’ka I kanë ba çikat malësis’?! A thua nan’ asht mallkim për ne a ç’ka asht?

A thua nan’ jeta e një femne nuk asht njësoj me jetën e një mashkulli?!

Nan’ pse na keni mësu veç me hesht ? Nan’ pse njohim vetëm fjalën turp na ?!

Nan’ a m’thua do m’kishit martu edhe mu nëqoftëse nuk do kisha vazhdu shkollën , ashtu  si shumicën e çikave ?

Nan’ pa m’thuej a nuk mundet një çikë me e qu zanin  e me bërtit pëe t’drejtat e veta ?! A thua smundem me jetu pa një burr’?  Pse nan’ na keni mësue se buurit sduhet me ia kthy fjalën?  At’herë nëqoftëse asht ashtu un’ kam një pyetje për ty nan’ :Pse Zoti na ka falë gojën me fol ne , apo vetem me pohu gjith’ çka thot’ burri , a djali, a vllau ?!……… Nan’ pse asht turp me e mbajt veten  ?

Nan’ a thue asht gabimi jem që kam lind çikë , nan’ a thue asht gabimi jem ?! He pra nan’ fol……. Po edhe ti ç’ka ke me tregu ….  Edhe ti , sikur un’ te tana k’to I mendon, por nuk ke guxim as me i fol me veten tande , ahhhh me fal nan’ për pyetjet për një moment harrova …….poo harrova se edhe ti çikë  ke lind !

LORETA KOLECI

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu